فاروق ستار تے نسرین جلیل دے اک وار فیر وارنٹ جاری ، خواجا اظہار الحسن، وسیم اختر تے رؤف صدیقی دی ضمانت وچ توسیع

کراچی(پاکستان پوائنٹ نیوز17۔ستمبر2016ء) انسداد دہشت گردی عدالت نے جھیڑوی تقریر کرن دے مقدمیاں وچ خواجا اظہار الحسن، وسیم اختر تے رؤف صدیقی دی ضمانت وچ توسیع جدکہ فاروق ستار تے نسرین جلیل سنے ہور ملزماں دے اک وار فیر وارنٹ گرفتاری جاری کر دِتے نیں۔ تفصیل دے مطابق کراچی دی انسداد دہشت گردی دی اُچیچی عدالت وچ جھیڑوی تقریر بارے مقدمیاں دی سنوائی ہوئی پر جج دی غیر حاضری پاروں مقدمیاں دی سنوائی کسے کارروائی دے بغیر 15اکتوبر تیکر ملتوی کر دِتی گئی۔

عدالت نے آیندا سنوائی تیکر خواجا اظہار الحسن، میئر وسیم اختر تے رؤف صدیقی دی ضمانت وچ توسیع کر دِتی جدکہ ڈاکٹر فاروق ستار، نسرین جلیل تے ہور ملزماں دے دوبارا وارنٹ گرفتاری جاری کر دِتے۔ یاد رہوے کہ 22 اگست توں پہلے ایم کیو ایم دے بانی نے کارکناں نال خطاب دے دوران پاکستانی اداریاں خلاف مَندے لفظ ورتے سن جہدے تے پارٹی دے قائد سنے ذکر کیتے گئے رہنماواں خلاف مقدمے درج کیتے گئے۔