سپریم کورٹ نے ڈبے وچ بند دُدھ دے لیبارٹری ٹیسٹ دا حکم دِتا

سپریم کورٹ نے ڈبے وچ بند دُدھ دے لیبارٹری ٹیسٹ دا حکم دِتا

لاہور(پاکستان پوائنٹ نیوز16۔ستمبر2016ء) سپریم کورٹ نے ڈبے وچ بند دُدھ دے لیبارٹری ٹیسٹ دا حکم دِتا اے۔ تفصیل دے مطابق جمعے دے دیہاڑے سپریم کورٹ لاہور رجسٹری وچ مسٹر جسٹس میاں ثاقب نثار اُتے مشتمل بنچ نے ناقص تے ملاوٹ والے دُدھ خلاف آپ نوٹس کیس دی سنوائی کیتی۔ سنوائی دوران درخاست گزار ولوں عدالت نوں دسیا گیا کہ ناقص دُدھ پاروں شہری ڈھڈ دیاں بیماریاں دا شکار ہو رہے نیں، جہدے اُتے جسٹس ثاقب نثار نے ریمارکس دیندے ہوئے آکھیا کہ ایہ حکومت دی ذمے واری اے جہنوں اسیں ویکھ رہے آں۔

اوہناں نے آکھیا کہ حکومت دَسے ملک وچ کِنے نویں ہسپتا ل تے تعلیمی ادارے بنائے نیں۔ ایس دوران عدالت دا کہنا سی کہ ملکی تے غیر ملکی ڈبا بند دُدھ دا لیبارٹری ٹیسٹ کروان دے بعد چار ہفتیاں وچ رپورٹ جمع کروائی جائے۔