لاہور(پاکستان پوائنٹ نیوز16۔ستمبر2016ء) صوبائی دارلحکومت وچ دو مختلف واقعیاں وچ فائرنگ کر کے تن بندیاں نوں قتل کر دِتا گیاجدکہ ملزم فرار ہون وچ کامیاب ہو گئے۔ تفصیل دے مطابق مانگا منڈی وچ 50 ورھیاں دا اقبال تے 32 ورھیاں دا لیاقت عدالت وچ پیشی اُتے جا رہے سن کہ مین بازار وچ موٹر سائیکل اُتے سوار تن بندیاں نے اوہناں اُتے فائرنگ کر دِتی، فائرنگ دے نتیجے وچ دوویں بندے موقعے اُتے ای ہلاک ہو گئے۔
پولیس دے مطابق چھ مہینے پہلے مقتولاں تے فریقاں وچکار زمین دے جھیڑے اُتے فائرنگ ہوئی سی جہدی پیروی لئی اقبال تے لیاقت عدالت جا رہے سن کہ ملزم نے اوہناں اُتے فائرنگ کر دِتی۔ دوجے پاسے لاہور دے علاقے پانی والا تالاب وچ موٹر سائیکل کھڑی کرن اُتے جھیڑا ہویا جہدے بعدنوجوان نے فائرنگ کر کے اک بندے نوں قتل کر دِتا۔ رپورت دے مطابق پولیس نے مقدما درج کر کے ملزم دی گرفتاری لئی ٹیماں بنا دِتیاں نیں۔
