مولانا خادم حسین رضوی دے ہور 14مقدمیاں وچ گرفتاری دے وارنٹ جاری

اسلام آباد(پاکستان پوائنٹ نیوز24۔مارچ2018ء) پولیس نے پچھلے دیہاڑے فیض آباد انٹرچینج اُتے دتے گئے دھرنے دوران درج کیتے گئے 14مقدمیاں وچ خادم حسین رضوی سنے ہور ملزماں دے گرفتاری وارنٹ جاری کر دتے نیں۔ اسلام آباد دی انڈسٹریل ایریا زون پولیس نے خادم حسین رضوی تے ہور خلاف وکھو وکھ عدالتاں ولوں گرفتاری دے وارنٹ لئے نیں۔ایہناں مقدمیاں وچ خادم حسین رضوی تے اوہناں دے ہور ساتھیاں اُتے دہشت گردی ایکٹ دی دفعہ 7وی شامل اے۔ چیتے رہوے کہ فیض آباد دھرنا کیس دی سنوائی اسلام آباد ہائی کورٹ وچ سنوائی ہیٹھ اے جدکہ انسداد دہشت گردی عدالت ایس توں پہلاں وی خادم حسین رضوی تے اوہناں دے ساتھیاں دے گرفتاری وانٹ جاری کر چکی اے۔