سابق ایم پی اے یاسمین خان دی لاش برآمد، موت ویلے کرسی اُتے بیٹھیاں سن

لاہور(پاکستان پوائنٹ نیوز24۔مارچ2018ء) لاہوردے علاقے بھٹہ چوک توں اک گھر اندروں سوانی دی لاش برآمد ہوئی اے۔ میڈیا رپورٹس مطابق لاش دی شناخت سابق ایم پی اے یاسمین خان دے ناں توں ہوئی اے۔ پولیس دا کہنا اے کہ یاسمین خان دی موت بارے تفتیش جاری اے۔ پولیس نے دسیا کہ یاسمین خان گھر وچ اکلیاں سن، اوہناں دی لاش 5توں 6دن پُرانی لگدی اے۔ پولیس مطابق موت ویلے یاسمین خان کُرسی اُتے بیٹھیاں سن۔ ویکھن نوں موت دی وجہ ہارٹ ٹیک لگدی اے۔ یاسمین خان دی لاش نوں ہسپتال منتقل کر دتا گیا اے جیہدے مگروں موت دی اصل وجہ ساہمنے آ سکے گی۔