اسلام آباد(پاکستان پوائنٹ نیوز24۔مارچ2018ء) نگران وزیر اعظم کِداں دا ہونا چاہیدا؟پی ٹی آئی چیئرمین عمران خان نے دس دتا۔تفصیل مطابق نجی ٹی وی چینل نوں انٹرویو دیندے ہوئے پی ٹی آئی چیئرمین عمران خان نے آکھیا کہ نگران سیٹ اپ اکانومسٹ ہونا چاہیدا، کیونکہ ملکی معیشت دا اجے بہت مندا حال ہو گیا اے، نگران وزیر اعظم نے تن مہینیاں لئی ملک دی اکانومی نوں سنبھالنا اے تے گھٹو گھٹ اوہنوں ایہدا پتا ہونا چاہیدا۔
دوجا اوہنوں غیر جانبدار ہونا چاہیدا، کسے وی پارٹی نال اوہدا کوئی تعلق نہ ہوئے۔ عمران خان دا کہنا سی کہ اسیں ہن پچھلی وار وانگ کسے پنکچر لان والے نگران سیٹ اپ نوں منظور نہیں کراں گے۔ اسیں کمیٹی بنائی اے جو پنجاب، کے پی کے تے سندھ دے لوکاں نوں ویکھے گی تے فیر اسیں اپنے ولوں نگران وزیر اعظم دا ناں تجویز کراں گے۔
