پرویز رشید دا استعفا لین پچھے کون سی؟حامدمیر نے دس دتا

اسلام آباد(پاکستان پوائنٹ نیوز24۔مارچ2018ء) نجی ٹی وی چینل دے پروگرام وچ گل بات کردے ہوئے مشہور پرچا کار حامد میر نے آکھیاکہ جدوں چودھری نثار علی خان وزیر داخلا سن تے میں وی اوہناں نوں تنقید دا نشانہ بناندا سی پر جدوں میں اوہناں اُتے تنقید کردا سی تے اودوں وزیر اعظم ہاؤس دیاں اہم شخصیتاں کیوں اوہناں دا دفاع نہیں کردیاں سن؟ پہلے اوہ وزیر داخلا سن ہن اوہ چودھری نثار نیں تے میں ایہ سمجھنا واں کہ چودھری نثار دی اک ای منگ اے کہ تُسیں ڈان لیکس دی رپورٹ ساہمنے لیاؤ نہیں تے میں لے آواں گا۔ حامد میر دا کہنا سی کہ چودھری نثار علی خان نوں چاہیدا کہ اوہ دسن کہ پرویز رشید توں استعفا لین دی سازش وچ اصل کردار کون سی؟اوہ اصل کردار مریم نواز دے آل دوال موجود کُجھ لوک نیں تے اوہناں وچوں اک بندہ سی۔