اسلام آباد(پاکستان پوائنٹ نیوز24۔مارچ2018ء) نجی ٹی وی چینل نوں انٹرویو دیندے ہوئے پی ٹی آئی چیئرمین عمران خان نے آکھیا کہ 2013دے الیکشن وچ مینوں ویلا نہیں ملیا، ایس وار ایہ ہوئے گا کہ جدوں تیکر میں مطمئن نہیں ہوندا اودوں تیکر کسے امیدوار نوں ٹکٹ نہیں دتا جائے گا۔ اوہناں دا کہنا سی کہ ساڈی پارٹی وچ بورڈ بنے ہوئے نیں پر حتمی کلیئرنس میں دیواں گا، پچھلی وار سانوں پتا چلیا کہ کُجھ لوکاں نے ٹکٹ لین لئی پیسے دتے پر ایس وار آخری ویٹو میرے کول ہوئے گی۔
اوہناں دا کہنا سی کہ ایس وار کوشش کراں گے کہ ایہ ویکھ لئے کہ امیدوار دا کردار کیسا اے، میں جس طرحاں لوکاں نوں سالمیت وچ لیانا چاہندا سی تے جس طرحاں پڑھے لکھے لوکاں نوں سیاست وچ آنا چاہیدا اوہ نہیں آئے۔ بدقسمتی نال کُجھ لوک خدغرض ہو جاندے نیں تے آکھدے نیں کہ ساڈی فیکٹری اے سانوں لوڑ نہیں اے یاں فیر اوہ بزدل ہو جاندے نیں تے مافیا دا مقابلا نہیں کردے۔ اوہناں دا کہنا سی کہ جس طرحاں میرے اُتے کیس نیں تے میں اوہناں دا ساہمنا کر رہیا واں پر اک عام بندہ ایہ سبھ برداشت نہیں کر سکدا۔
