(ن) لیگی رہنما حنا پرویز بٹ وی شوکت خانم ہسپتال دی تعریف کرنوں نہ رہ سکیاں

(ن) لیگی رہنما حنا پرویز بٹ وی شوکت خانم ہسپتال دی تعریف کرنوں نہ رہ سکیاں

لاہور(پاکستان پوائنٹ نیوز22۔مارچ2018ء) (ن) لیگی رہنما حنا پرویز بٹ وی شوکت خانم ہسپتال دی تعریف کرنوں نہ رہ سکیاں۔ تفصیل مطابق پاکستان مسلم لیگ (ن) ولوں اکثر شوکت خانم ہسپتال نوں لے کے پاکستان تحریک انصاف دے چیئرمین عمران خان نوں تنقید دا نشانہ بنایا جاندا اے پر ہن (ن) لیگی ایم پی اے حنا پرویز بٹ شوکت خانم ہسپتال دے نظام توں اینا متاثر ہوئیاں کہ اوہناں نے سماجی رابطے دی ویب سائٹ ٹویٹر اُتے اپنے پیغام وچ لکھیا کہ مینوں پہلی وار شوکت خانم ہسپتال جان دا اتفاق ہویا اے۔ ڈاکٹر فیصل سلطان تے اوہناں دی ٹیم بہت چنگا کم کر رہی اے تے میں ایہ ضرور آکھاں گی کہ میں شوکت خانم ہسپتال وچ دتیاں جان والیاں سہولتاں تے انتظام توں بہت متاثر ہوئی آں۔