راولپنڈی(پاکستان پوائنٹ نیوز22۔مارچ2018ء) چودھری نثار علی خان دا کہنا ے کہ پارٹی وچ پچھلے اک ورھے توں جو کُجھ ہو رہیا اوس وجہ توں اپنے آپ نوں قومی سیاست توں وکھ کر لیا اے۔ تفصیل مطابق وفاقی وزیر داخلا چودھری نثار علی خان ولوں اک وار فیر (ن) لیگ دی قیادت خاص کر مریم نواز تے اوہناں دے والد سابق وزیر اعظم میاں محمد نواز شریف نوں تنقید دا نشانہ بنایا گیا اے۔
چودھری نثار علی خان دا کہنا اے کہ اوہناں دی ذات دے حوالے نال پچھلے اک ورھے توں بہت کُجھ آکھیا جا رہیا اے ۔ اک مخصوص بندے ولوں اوہناں دی ذات نوں نشانہ بنایا جا رہیا اے پر ایہدے مگروں اپنے آپ اُتے کنٹرول کیتا ہویا اے۔ چودھری نثار علی خان دا کہنا سی کہ میں ہمیشہ کوشش کیتی کہ پارٹی بارے ایس طرحاں دی کوئی گل نہ کراں جیہدے نال اوہنوں نقصان ہوئے۔ پر پارٹی وچ پچھلے اک ورھے توں جو کُجھ ہو رہیا اوس وجہ توں اپنے آپ نوں قومی سیاست توں وکھ کر لیااے۔
