عمران خان نوں سپاں نے گھر لیا:گلوکار سلمان احمد

لاہور(پاکستان پوائنٹ نیوز20۔مارچ2018ء) گلوکار سلمان احمد نے عامر لیاقت دی پی ٹی آئی وچ رلت اُتے آکھیا اے کہ ایہ جھوٹھا تے منافق بندہ اے۔ سماجی رابطے دی ویب سائٹ ٹویٹر اُتے اپنے اک پیغام وچ سلمان احمد نے خفگی دا اظہار کردے ہوئے آکھیا کہ عمران خان نوں سپاں نے گھر لیا اے۔ پارٹی نوں عامر لیاقت توں خبردار کرنا میرا حق اے۔ تحریک انصاف نوں ایس جھوٹھے تے منافق بندے توں فائدہ نہیں ہوئے گا۔ اوہناں نے ہور آکھیا کہ میں 35سال تیکر عمران خان تے پاکستان تحریک انصاف دی حمایت کیتی پر میرے لئی انج کرنا ممکن نہیں اے۔