کراچی(پاکستان پوائنٹ نیوز17۔مارچ2018ء) چیف جسٹس پاکستان میاں ثاقب نثار نے واٹر کمیشن دی رپورٹ بارے سنوائی دوران حکم دتا اے کہ اک ہفتے وچ کراچی صاف ہونا چاہیدا۔ ہفتے نوں سپریم کورٹ کراچی رجسٹری وچ واٹر کمیشن دی عبوری رپورٹ دی سنوائی ہوئی۔ چیف جسٹس نے چیف سیکرٹری سندھ نوں آکھیا کہ واٹر کمیشن دی رپورٹ اکھاں کھولن لئی بتھیری اے، سندھ وچ کیہ ہو رہیا اے، ساڈے ساہمنے بڑی خطرناک تصویر آ رہی اے، مینوں اک ہفتے وچ کراچی صاف چاہیدا۔
چیف سیکرٹری سندھ نے آکھیا کہ یہ سبھ کم تے ذمے واریاں وسیم اختر دیاں نیں پر اسیں کر رہے آں۔ چیف جسٹس نے میئر کراچی وسیم اختر توں پُچھیا کہ گندگی ہٹانا تے صفائی دا کم کیہدا اے؟ایتھے سیاست نہ کرو جے سیاست کرنی اے تے کیتے ہور چلے جاؤ۔ وسیم اختر نے جواب دتا کہ سارے اختیار سندھ حکومت کول نیں، شہر دا مندا حال اے، نالے بند نیں کوڑے دے ڈھیر لگے نیں، کُتیاں دی بھرمار اے جدکہ بلدیہ عظمی کول نہ اختیار اے نہ فنڈز۔
