اسلام آباد(پاکستان پوائنٹ نیوز12۔ستمبر2016ء) مسلم لیگ (ن) دے رہنما پرویز رشید نے آکھیا اے کہ ن لیگ دی حکومت وچ حج دی سعادت حاصل کرنا آسان ہو گیا اے۔ تفصیل دے مطابق پیر دے دیہاڑے میڈیا نال گل بات کردے ہوئے پرویز رشید نے آکھیا کہ مسلم لیگ (ن) دی حکومت وچ حج دی سعادت حاصل کرنا آسان ہو گیا اے۔ا وہناں نے آکھیا کہ ساڈی حکومت وچ حج دے خرچیاں وچ کمی آئی اے جہدی حاجیاں نے وی تعریف کیتی اے۔
سیاسی مخالفاں اُتے تنقید کردے پرویز رشید دا کہنا سی کہ عمران خان نوں حج اُتے جان توں اللہ نے روک دِتا پر رائے ونڈ جان توں اسیں نہیں روکیا۔ اوہناں نے آکھیا کہ عمران خان نے حج دے مہینے وچ دو وعدے کیتے پر اوہناں دا یہ حال اے کہ اوہناں نوں نہ تے خدا ملیا تے نہ ای وصال شیروانی پورا ہویا۔ اوہناں نے آکھیا کہ سیاسی کزن نے وی اوہناں نال رائے ونڈ جان توں انکار کر دتا جدکہ جماعت اسلامی تے ہور جماعتاں نے وی عمران خان نال جان دی حامی نہیں بھری۔
