لاہور(پاکستان پوائنٹ نیوز12۔ستمبر2016ء) اسیں رائے ونڈ دھرنا دین نہیں احتجاج کرن جا رہے آں۔ تفصیل دے مطابق پیر دے دیہاڑے تحریک انصاف دے رہنما علیم خان نے میڈیا نال گل بات کردے ہوئے آکھیا کہ نواز شریف دے گھر ول مارچ نہیں احتجاج کرن جا رہے آں۔ اوہناں نے آکھیا کہ ساڈا نواز شریف دے گھر اُتے حملے دا کوئی ارادا نہیں اے۔ رائے ونڈ دا پورا علاقا میاں صاحب دا گھر تے نہیں اے۔
اوہناں دا کہنا سی کہ گلبرگ ڈیفنس یاں کینٹ دا مطلب ایہ نہیں اے کہ ایتھے کوئی جلسا نہیں ہو سکدا۔ اوہناں نے دسیا کہ رائے ونڈ اجتماع دی تھاں وی میاں صاحب دے گھر توں 5 کلو میٹر توں زیادہ دور اے۔ اوہناں نے آکھیا کہ احتجاج دا میاں صاحب دے گھر یاں گھر والیاں نال کوئی تعلق نہیں اے۔ جاتی امرا یاں نواز شریف دے گھر جان والے رستے دی اسیں آپ حفاظت کراں گے۔ اوہناں نے آکھیا کہ جلسے دی حتمی تاریخ دا اعلان عمران کان کرن گے۔
