کراچی(پاکستان پوائنٹ نیوز12۔ستمبر2016ء) ایم کیو ایم پاکستان دے سربراہ ڈاکٹر فاروق ستار ٹریفک حادثے وچ ڈاڈھے زخمی ہو گئے، پر متحدا رہنما خواجا اظہار الحسن دا کہنا اے کہ فاروق ستار دی حالت خطرے توں باہر اے، جدکہ زخمی ہون والے اک گارڈ دی حالت خطرے وچ اے۔ تفصیل دے مطابق حیدر آباد توں واپسی اُتے ایم کیو ایم پاکستان دے رہنما فاروق ستار دی گڈی نوری آباد دے نیڑے اُلٹ گئی، جہدے نتیجے وچ فاروق ستار تے اوہناں دے 3 گارڈ زخمی ہو گئے جدکہ حادثے دے نتیجے وچ اوہناں دی گڈی مکمل طور اُتے تباہ ہو گئی۔
جہدے بعد فاروق ستار نوں گارڈاں سنے نجی ہسپتال منتقل کیتا گیا جدکہ اکیو ایم کیو دے کارکناں دی وڈی گنتی وی ایس موقعے اُتے پہنچ گئی جہدے پاروں ہسپتال وچ بدنظمی جہی پیدا ہوئی پر کارکناں نوں گیٹ اُتے ای روک دِتا گیا جدکہ متحدا رہنما خواجا اظہار الحسن نے تصدیق کیتی اے کہ فاروق ستار نوں گُجھیاں سَٹاں لگئیاں نیں پر اوہناں دی حالت خطرے توں باہر اے، جدکہ حادثے وچ زخمی ہون والے اک گارڈ دی حالت خطرے وچ اے۔
