لاہور(پاکستان پوائنٹ نیوز13۔مارچ2018ء) سابق چیف جسٹس نے علامہ خادم حسین رضوی خلاف توہین عدالت دی کارروائی دی مخالفت کیتی اے۔ تفصیل مطابق تحریک لبیک یارسولﷺ دے سربراہ علامہ خادم حسین رضوی ولوں کیتیاں جان والیاں توہین آمیز تقریراں دے حوالے نال سابق چیف جسٹس افتخار محمد چودھری ولوں ردعمل دتا گیا اے۔ نجی ٹی وی چینل دے پروگرام وچ گل بات کردے ہوئے سابق چیف جسٹس ولوں علامہ خادم حسین رضوی خلاف توہین عدالت دی کارروائی دی مخالفت کیتی گئی۔
افتخار چودھری دا کہنا سی کہ خادم حسین رضوی خلاف توہین عدالت دی کارروائی توں پہلاں ویکھنا پئے گا کہ کیہ اوہدی کوئی حیثیت اے یاں نہیں۔ علامہ خادم حسین رضوی یقینی طور اُتے قابل احتساب اے۔اوہناں دا کہنا سی کہ میری رائے وچ علامہ خادم حسین رضوی دی اینی حیثیت نہیں اے کہ اعلا عدلیہ اینا وڈا ایکشن لئے۔جے توہین عدالت دی کارروائی ہوئی تے ایہ عمل تحریک لبیک دے سربراہ نوں لیڈر بنن دا موقع دین دے برابر ہوئے گا۔
