وزیر اعلا بلوچستان نے صوبے نوں اک ہور خشخبری دے دتی

ہن بلوچستان دا وزیر اعظم لیان لئی جتن کراں گے:عبدالقدوس بزنجو د ااعلان

وزیر اعلا بلوچستان نے صوبے نوں اک ہور خشخبری دے دتی
ہن بلوچستان دا وزیر اعظم لیان لئی جتن کراں گے:عبدالقدوس بزنجو د ااعلان

کوئٹہ(پاکستان پوائنٹ نیوز13۔مارچ2018ء) بلوچستان دے چیئرمین سینیٹ مگروں وزیر اعلا بلوچستان نے صوبے نوں اک ہور خُشخبری دے دتی۔ عبدالقدوس بزنجو دا کہنا سی کہ چیئرمین سینیٹ تے بلوچستان دا لے آئے پر ہن بلوچستان دا وزیر اعظم لیان لئی جتن کراں گے۔ تفصیل مطابق اسلام آباد توں واپسی اُتے پریس کانفرنس کردے ہوئے وزیر اعلا بلوچستان عبدالقدوس بزنجو دا کہنا سی کہ اگلے الیکشن وچ وزیر اعظم بلوچستان لیان لئی فائٹ کراں گے۔

ہن بلوچستان نوں ماضی دی اکھ نال نہ ویکھیا جائے۔ اوہناں دا کہنا سی کہ سینیٹ دی چیئرمین شپ بلوچستان نوں ملنا وڈی کامیابی اے پر دُکھ نال کہنا پے رہیا اے کہ ایس صوبے دے قوم پرستاں نے ساڈی حمایت کرن دی بجائے منفی گلاں کیتاں ، جیہدے نال ملک بھر وچ بلوچستان دی بدنامی ہوئی۔ عبدالقدوس بزنجو نے آکھیا کہ جمہوریت دے چیمپئن تے گلاں دے سٹیج ماسٹر کُھل کے ساہمنے آگئے نیں۔ اوہناں دا کہنا سی کہ صوبے دی لوکائی ہن جاگ پئی اے۔ اگلے الیکشن وچ بلوچستان دے حقاں دی گل کرن والیاں نوں ساہمنے لیاواں گے۔