اسلام آباد:اک مہینے وچ آن لائن ٹیکسی سروس ’کریم‘ دا دوجا ڈرائیور قتل

اسلام آباد:اک مہینے وچ آن لائن ٹیکسی سروس ’کریم‘ دا دوجا ڈرائیور قتل

اسلام آباد(پاکستان پوائنٹ نیوز13۔مارچ2018ء) اک ای مہینے وچ آن لائن ٹیکسی سروس ’کریم‘ دا دوجا ڈرائیور قتل ہو گیا۔ پچھلی رات لاپتا ہون والے ’کریم‘ دے ڈرائیور سجاول امیر نوں گولیاں مار کے قتل کر دتا گیا۔ تفصیل مطابق جڑواں شہراں وچ اک مہینے اندر آن لائن ٹیکسی سروس ’کریم‘ دا دوجا ڈرائیور قتل ہو گیا۔ سجاول امیر نامی ڈرائیورنے آخری سواری پچھلی رات 10وجے مسریال روڈ دے علاقے توں چُکی سی تے منگل دی سویر لکھو دے علاقے توں اوہدی گولیاں نال چھلنی لاش لبھی۔

پولیس مطابق سجاول نوں پنج گولیاں وجیاں جدکہ مقتول دی گڈی موقعے توں مل گئی اے۔ واقعے نوں ڈکیتی مزاحمت آکھیا جا رہیا اے پر ایس حوالے نال پولیس نے تفتیش شروع کر دتی اے۔ چیتے رہوے کہ 22فروری نوں اسلام آباد وچ ای آن لائن ٹیکسی سروس ’کریم‘ دے 26ورھیاں دے ڈرائیور جنید مصطفی نوں قتل کر دتا گیا سی۔