اسلام آباد(پاکستان پوائنٹ نیوز13۔مارچ2018ء) عمران خان نے کارکناں نوں ’گو نواز گو‘ نعرہ چھڈن دا آکھ دتا اے۔ گجرات وچ ٹانڈہ دے مقام تے کارکناں نال خطاب کردے ہوئے عمران خان نے سابق وزیراعظم نواز شریف نوں تنقید دا نشانہ بناندے ہوئے آکھیا کہ جدوں عدالت نااہل قرار دیندی اے تے آکھیا جاندا اے کہ ’مجھے کیوں نکالا‘۔ نواز شریف لوکاں نوں پاگل بنا رہیا اے، اوہ دسے اوہدے کول ارباں رُپئے کتھوں آئے؟جدوں ارباں رُپئے دی پراپرٹی نکل آئی تے نواز شریف نوں دسنا چاہیدا کہ اوہ کیویں بنائی۔
اوہناں نے آکھیا کہ ایہ 30سال توں واریاں لے رہے نیں، ایہ امیر تے اسیں غریب ہوئے، ہن گو نواز گو بہت ہو گیا، ہن نِکے دی واری اے۔ اوہناں دا کہنا سی کہ نواز شریف تے فارغ ہو گیا ہن شہباز شریف تیری واری آن والی اے۔ عمران خان دا ہور کہنا سی کہ اسیں اک نویں قسم دی سیاست کر رہے آں ، نویں پاکستان وچ انساناں اُتے پیسا خرچ ہوئے گا۔ اسیں ایس طرحاں دے امیدوار لیاواں گے جو ساڈے نال رلکے تبدیلی لیان گے۔
