عمران خان علیم خان نوں جُتی وجن مگروں دُکھی ہو گئے، پارٹی جھنڈا تے مائیک سٹ دتا

عمران خان علیم خان نوں جُتی وجن مگروں دُکھی ہو گئے، پارٹی جھنڈا تے مائیک سٹ دتا

گجرات(پاکستان پوائنٹ نیوز13۔مارچ2018ء) چیئرمین پی ٹی آئی عمران خان علیم خان نوں جُتی پین اُتے دُکھی ہوگئے،پارٹی جھنڈا تے مائیک سُٹ کے چلے گئے۔ میڈیا رپورٹس مطابق چیئرمین پی ٹی آئی عمران خان اج گجرات وچ عوامی جلسے نال خطاب کر رہے سن کہ اوہناں دے خطاب دوران کسے نے اوہناں ول جُتی سُٹی جو عمران خان نوں تے نہ وجی پر کول کھلوتے پی ٹی آئی دے رہنما علیم خان دے سینے اُتے جا وجی۔

عمران خان ایس واقعے مگروں دُکھ دا اظہار کردے ہوئے پارٹی جھنڈا تے مائیک سُٹ کے چلے گئے۔ ایہدے اُلٹ علیم خان جُتی وجن اُتے ہسدے رہے۔چیتے رہوے کہ ایس توں پہلاں جدوں چیئرمین پی ٹی آئی دا قافلا گجرات اپڑیا تے عمران خان ول اک بندے نے جُتی سُٹی۔ پی ٹی آئی کارکناں نے متعلقہ بندے نوں پھڑ کے ڈاڈھا کُٹیا۔