حکومت بچان اُتے مسلم لیگ (ن) نوں میرا شکریہ ادا کرنا چاہیدا سی: جاوید ہاشمی

حکومت بچان اُتے مسلم لیگ (ن) نوں میرا شکریہ ادا کرنا چاہیدا سی: جاوید ہاشمی

ملتان(پاکستان پوائنٹ نیوز13۔مارچ2018ء) سابق سینئر وفاقی وزیر مخدوم جاوید ہاشمی نے آکھیا اے کہ حکومت بچان اُتے مسلم لیگ (ن) نوں میرا شکریہ ادا کرنا چاہیدا سی، حکومت خلاف تن سال پہلاں سازش ناکام بنائی، میرے استعفے دا سبھ توں ودھ فائدہ (ن) لیگ نوں ہویا، اج تیکر نہیں پُچھیا گیا کہ استعفا کیوں دتا؟اوہناں نے اج ملتان وچ پریس کانفرنس کردے ہوئے آکھیا کہ سپریم کورٹ نے آئین دی بے حرمتی کیتی اے۔

پی سی او دے تحت ججاں نے حلف چُکے تے اج وی عدالتاں وچ بیٹھے نیں۔ ججاں دے ناں پاناما پیپرز وچ نیں پر کوئی نہیں پُچھدا۔ ملک وچ خطرناک بحراناں دا ویلا آن والا اے۔ (ن) لیگ دی حکومت بلوچستان وچ ڈیگ دتی گئی اوہناں نے محسوس نہیں کیتا؟اوہناں نے آکھیا کہ آئین توں ہٹ کے جو گل ہوندی اے اوہ مارشل لاء ہوندا اے۔ کیئرٹیکر گورنمنٹ نہ حکومت تے نہ ای ا پوزیشن بنا سکے گی۔

اوہناں نے آکھیا کہ ہن جُتیاں مارنا شروع کر دتے گئیاں نیں ا یہ سیریز چل پئی اے۔ (ن) لیگ پی ٹی آئی نوں تے پی ٹی آئی (ن) لیگ نوں جُتی مارے گی۔ جاوید ہاشمی نے آکھیاکہ سانوں مذہبی طور اُتے وی ونڈیا گیا اے۔ الیکشن لڑاں یاں نہ لڑاں ملک بچان دی جنگ لڑاں گا۔ اوہناں نے آکھیا کہ تن سال پہلاں سازش نوں ناکام بنایا سی۔ اوس ویلے وی ایم کیو ایم سنے ساریاں جماعتاں نوں اکٹھا کرن دی کوشش کیتی گئی سی۔ جے ساریاں جماعتاں اکٹھیاں ہو جاندیاں تے حکومت ڈیگ دتی جاندی۔ اوہناں نے آکھیا کہ مسلم لیگ (ن) نوں حکومت بچان اُتے میرا شکریہ ادا کرنا چاہیدا۔