اسلام آباد(پاکستان پوائنٹ نیوز13۔مارچ2018ء) بھارت وچ پاکستانی سفارتکاراں نوں ہراساں کرن دا سلسلا جاری اے، بھارتی حکومت ایجنسیاں دے سینئر حکام نوں کنٹرول کرن وچ ناکام ہوگئی، پاکستانی ہائی کمیشن نے معاملا بھارتی وزارت خارجا ساہمنے رکھ دتا۔ میڈیا رپورٹس مطابق بھارت وچ مرکزی سڑک اُتے پاکستانی سفارتکار نوں ہراساں کرن لئی اوہناں دی گڈی ساہمنے دو جی گڈی لا دتی گئی۔
سفارتکار دی گڈی وچ بال سوار سن۔ گڈی توں لتھن والے بندے نے سفارتکار دیاں تصویراں وی بنائیاں۔ پاکستان سفارتکار دی گڈی نوں اک کار نے روکیا۔ چیتے رہوے کہ پچھلے پنج دناں توں نویں دِلی وچ پاکستانی ہائی کمیشن دے افسراں تے سفارتی اہلکاراں نوں ہراساں کیتا جا رہیا اے۔ پاکستان نے بھارتی وزارت خارجا نوں احتجاجی خط لکھ دتا اے۔ پاکستان نے بھارت وچ پاکستانی ہائی کمیشن دے افسراں نوں ہراساں کرن اُتے تشویش دا اظہار کیتا اے۔ وسیلیاں دا کہنا اے کہ سفارتی اہلکاراں تے عملے دیاں گڈیاں نوں روک کے گالھاں کڈھنا معلوم بن گیا اے۔
