گجرات(پاکستان پوائنٹ نیوز13۔مارچ2018ء) ملک بھر وچ سیاستداناں نوں جُتی مارن دا کلچر ودھن لگا، تحریک انصاف دے چیئرمین عمران خان دی گڈی اُتے اک بندے نے جُتی سُٹ دتی، پی ٹی آئی کارکناں نے مبینہ بندے نوں پھڑ کے تشدد دا نشانہ بنا دتا۔ میڈیا رپورٹس مطا بق چیئرمین پی ٹی آئی دا قافلا جدوں گجرات اپڑیا تے عمران خان ول اک بندے نے جُتی سُٹی۔ پی ٹی آئی کارکناں نے متعلقہ بندے نوں پھڑ کے ڈاڈھا کُٹیا۔
پھڑے گئے بندے اُتے عمران خان دی گڈی اُتے جُتی مارن دا الزام اے۔ ذکر کیتے گئے بندے نوں پولیس دے حوالے کر دتا گیا اے۔ چیتے رہوے کہ ایتوار نوں سابق وزیراعظم نواز شریف اُتے لاہور وچ جامعہ نعیمیہ اندر اک تقریب دوران جُتی تے وفاقی وزیر خارجا خواجا آصف اُتے سیالکوٹ وچ سیاہی سُٹی گئی سی۔جیہدے ملک بھر دے نامور سیاستداناں نے مذمت کیتی۔
