مبارک ہوئے زرداری نے عمران خان دے نویں پاکستان نوں گود وچ لے لیا!

مبارک ہوئے زرداری نے عمران خان دے نویں پاکستان نوں گود وچ لے لیا!

لاہور(پاکستان پوائنٹ نیوز13۔مارچ2018ء) مشہور کالم نگار اطہر قاضی نے اپنے کالم ’دیکھو تبدیلی آ گئی‘ وچ لکھیا اے کہ مبارک ہوئے آصف علی زرداری نے عمران خان دے نویں پاکستان نوں گود لے لیا اے تے نواز شریف نال لڑن والے عمران خان نے آصف علی زرداری ساہمنے ہتھیار سُٹ دتے نیں۔ عرفان اطہر دا اپنے کالم وچ ہور کہنا سی کہ عمران خان نے اپنے سینیٹرز دے ووٹ وزیر اعلا بلوچستان دی جھولی وچ پا کے چیئرمین سینیٹ دا چناؤ کروان دی جو سمارٹ چال چلی اوہ اینی سمارٹ نہیں سی۔

سینیٹ دی چیئرمین شپ لئی مسلم لیگ (ن) دا راہ روکن لئی اوہناں نے وزیر اعلا بلوچستان دی گود وچ نہیں بلکہ آصف علی زرداری دی گود وچ اپنے ووٹ پائے تے لوکائی دی قسمت دا فیصلا زرداری دے ہتھ وچ دے دتا۔ چیتے رہوے کہ چیئرمین سینیٹ دے الیکشن وچ پی ٹی آئی دے چیئرمین عمران خان تے پی پی پی چیئرمین آصف علی زرداری نے بلوچستان توں تعلق رکھن والے صادق سنجرانی نوں سپورٹ کیتا سی۔