اسلام آباد(پاکستان پوائنٹ نیوز12۔مارچ2018ء) وزیر اعظم نے پُتر ولوں تحریک انصاف دے رکن قومی اسمبلی حامد الحق نوں تشدد دا نشانہ بنان اُتے معذرت کر لئی۔تفصیل مطابق چار مارچ نوں ہون والے سینیٹ الیکشن مگروں اج سینیٹ دے چیئرمین تے ڈپٹی چیئرمین سینیٹ دے چناؤ دا دن سی۔ حکمران جماعت تے اپوزیشن ولوں جوڑ توڑ دا سلسلا وی جاری رہیا پر اج اپوزیشن دا پلڑا بھاری رہیا تے اپوزیشن دے نامزد امیدوار صادق سنجرانی 11ووٹاں توں جت گئے ۔
چیئرمین سینیٹ دے چناؤ ویلے اپوزیشن دی غیر متوقع کامیابی نے ماحول نوں خراب کر دتا۔ ایس دوران مبینہ طور اُتے وزیراعظم دے پُتر نے تحریک انصاف دے رکن قومی اسمبلی حامد الحق خلیل اُتے تشدد کیتا۔ جیہدے مگروں ایس گل نوں رد کیتا گیا کہ تشدد کرن والا وزیر اعظم دا پُتر نہیں پر وزیر مملکت مریم اورنگزیب مطابق وزیر اعظم شاہد خاقان عباسی نے ایس معاملے اُتے تحریک انصاف توں معذرت کر لئی اے۔
