اسلام آباد(پاکستان پوائنٹ نیوز12۔مارچ2018ء) تحریک انصاف دے رکن قومی اسمبلی حامد الحق خلیل نے الزام لایا اے کہ گیلری وچ اک اجنبی بندے نے تشدد کیتا تے گلا کُٹن دی کوشش کیتی، گیلری وچ موجود لوکاں نے بچایا۔ میڈیا رپورٹس مطابق سینیٹ الیکشن دوران (ن) لیگی تے اپوزیشن جماعتاں دے ارکان وچکار لڑائی ہوئی۔ نجی ٹی وی مطابق لڑائی دوران ایم این اے حامد الحق دا گلا کُٹن دی کوشش کیتی گئی۔
نجی ٹی وی مطابق گلا کُٹن والا بندہ وزیر اعظم دا پُتر سی۔ وزیر اعظم دے پُتر دی فوٹیج حاصل کر لی گئی اے۔چیتے رہوے کہ اج سینیٹ الیکشن دے نتیجے مگروں گیلری وچ بیٹھے لوکاں وچکار ہتھو پائی ہوئی۔ اطلاع مطابق وزیر اعظم دے قریبی رشتے دار تے پی ٹی آئی رہنما آپس وچ لڑ پئے۔ پی ٹی آئی دے رکن قومی اسمبلی حامد الحق خلیل نے الزام لایا کہ سنجرانی دی جِت مگروں نعرے لائے تے اک بندے نے میرے اُتے تشدد کیتا تے گلا کُٹن دی کوشش کیتی جدکہ گیلری وچ موجود لوکاں نے مینوں بچایا۔ ایس موقعے تے ایوان وچ اک پارٹی کارکناں ولوں اک دوجے خلاف نعرے وی لائے گئے۔
