اسلام آباد(پاکستان پوائنٹ نیوز12۔مارچ2018ء) آخری ویلے وچ اتحادیاں دی بغاوت (ن) لیگ دی ہار دی وجہ بنی۔ تفصیل مطابق چیئرمین سینیٹ دے الیکشن وچ (ن) لیگ نوں ہار دا ساہمنا کرنا پیا اے۔ اپوزیشن جماعتاں دے امیدوار صادق سنجرانی نے (ن) لیگ دے راجا ظفر الحق نوں ہرا دتا۔ صادق سنجرانی نے 57ووٹ لے کے راجا ظفر الحق نوں ہرایا۔ ایس حوالے نال مشہور پرچاکار سہیل وڑائچ ولوں نجی ٹی وی چینل دے پروگرام وچ ردعمل دتا گیا اے۔
سہیل وڑائچ دا کہنا اے کہ آخری ویلے وچ (ن) لیگ دے اپنے اتحادیاں نے اوہناں توں مُونہ موڑ لیا۔ سہیل وڑائچ دا کہنا اے کہ ممکنہ طور اُتے ایم کیو ایم تے فاٹا دے سینیٹرز نے آخری ویلے (ن) لیگ دا ساتھ چھڈ کے اپوزیشن دے امیدوار نوں ووٹ دیندے ہوئے چیئرمین سینیٹ دا چناؤ کروان وچ اہم ترین کردار ادا کیتا۔
