پنجاب سرکار نے وڈی عید دے موقعے اُتے کالعدم تنظیماں دے کَھلاں اکٹھیاں کرن اُتے پابندی لا دِتی

فیصل آباد(پاکستان پوائنٹ نیوز10۔ستمبر2016ء) پنجاب سرکار نے کالعدم جہادی و مذہبی تنظیماں ولوں وڈی عید دے موقع اُتے کَھلاں جمع کرن اُتے سختی نال پابندی لا ندے ہوئے متعلقا حکام نوں ایس سلسلے وچ آکھیا اے کہ کالعدم قرار دِتیاں گئیاں مذہبی و جہادی تنظیماں دیاں سرگرمیاں اُتے ڈاڈھی نظر رکھی جائے تے اوہناں نوں کسے وی طرحاں کیمپ لان یاں قربانی دیاں کَھلاں جمع کرن دی اجازت نہ دِتی جائے۔ حکام دا ایس سلسلے وچ کہنا اے کہ زبردستی کَھلاں اکٹھیاں کرن والیاں خلاف وی سخت کارروائی کیتی جائے گی۔