کراچی: حج دے ناں اُتے کروڑاں رُپئے دا فراڈ

کراچی: حج دے ناں اُتے کروڑاں رُپئے دا فراڈ

کراچی(پاکستان پوائنٹ نیوز10۔ستمبر2016ء) کراچی دا ٹریول ایجنٹ 132 بندیاں نال ہتھ کر گیا۔گرفتاری دے باوجود 5 کروڑ توں ودھ پیسے کھا گیا۔ تفصیل دے مطابق کراچی ٹریول ایجنسی نے حج دے ناں اُتے شہریاں توں کروڑاں رُپئے لُٹ لئے نیں۔ متاثرا شہریاں دی گنتی 132 دَسی گئی جہناں توں کروڑاں رُپئے حج دے ناں اُتے لِتے گئے سن پر اوہناں نوں حج لئی نہیں گھلیا گیا۔

دوجے پاسے پولیس نے شکایت ملن اُتے گارڈن توں ٹریول ایجنٹ نوں گرفتار کیتا پر اک ہفتا لنگھ جان دے باوجود اجے تیکر کوئی کارروائی عمل وچ نہیں لیاندی جا سکی بلکہ اُلٹا ایجنٹ نوں اے وی سی سی وچ بیٹھا کے پروٹوکول دِتا جا رہیا اے۔ متاثرا لوکاں نے وزیر اعلا سندھ، آئی جی سندھ سنے اعلا حکام توں اپیل کیتی اے کہ اوہ واقعے دا نوٹس لیندے ہوئے اوہناں نوں انصاف دوان۔