پاکستانی نوجوان دا وڈا کارناما، دنیا دیاں وڈیاں آئی ٹی کمپنیاں نوجوان توں خدمتاں لین لئی بے تاب

اسلام آباد(پاکستان پوائنٹ نیوز10۔ستمبر2016ء) سائبر کرائم خلاف اک ہور پاکستانی نوجوان میدان وچ آ گیا، گوگل کروم تے فائر فوکس سنے ہور انٹرنیٹ براؤزر نوں ہیک ہون توں بچان والے رافع بلوچ نے اپنیاں صلاحتاں دے نتیجے پاروں دنیا نوں اپنا چاہیوان بنا لیا۔ 25 ورھیاں دے ایتھیکل ہیکر رافع بلوچ نے گوگل کروم تے فائر فوکس سنے کئی انٹر براؤزر وچ سکیورٹی خامیاں دی نشان کاری کیتی تے آئی ٹی کمپنیاں دیاں اکھاں کُھل گئیاں۔ جہدے بعد توں پاکستانی نوجوان نوں کئی ملکاں توں ملازمت دی پیشکش ہوئی پر رافع بلوچ دا کہنا اے کہ پاکستان وچ سائبر سکیورٹی یونٹ بنانا چاہنا واں۔ رافع بلوچ نے آکھیا کہ انٹرنیٹ براؤزرز وچ سکیورٹی نُقص لبھ کے اوہنوں ورتیندڑاں لئی محفوظ بنانا ای میرا مشن اے۔