چالو ورھے حج اُتے جان والے 29 پاکستانی چلانا کر گئے

چالو ورھے حج اُتے جان والے 29 پاکستانی چلانا کر گئے

اسلام آباد(پاکستان پوائنٹ نیوز09۔ستمبر2016ء) چالو ورھے حج اُتے جان والے 29 پاکستانی حاجی چلانا کر گئے۔ تفصیل دے مطابق پاکستان وچ حج دے ڈائریکٹر جنرل ساجد یوسفانی نے دسیا اے کہ سعودی عرب جان والے 29 پاکستانی حاجی چلانا کر گئے نیں۔ اوہناں نے دسیا کہ فوت ہون والے ایہ سارے حاجی طبی موت دا شکار ہوئے۔ ایس حوالے نال اوہناں نے سعودی شہر مکہ مکرمہ وچ پاکستان دے وفاقی وزیر مذہبی امور سردار محمد یوسف دی صدارت ہیٹھ ہون والی حج ایڈوائزری کمیٹی دی اک بریفنگ دے دوران دسیا کہ سعودی عرب وچ حاجیاں دی خدمت لئی 1635 معاون تے 432 بندیاں اُتے مشتمل اک میڈیکل مشن تعینات کیتا گیا اے۔