لاہور(پاکستان پوائنٹ نیوز09۔ستمبر2016ء) پنجاب وچ دہشت گرداں، کالعدم تنظیماں تے سہولت کاراں خلاف بغیر فرق دے کارروائی لئی رینجرز دی تعیناتی دیاں سفارشاں تیار کر لِتیاں گئیاں نیں۔ صوبے وچ رینجرز نوں 60 دِناں لئی محدود اختیارات دِتے جان گے۔ وسیلیاں دے مطابق پنجاب وچ دہشت گرداں خلاف کارروائی دے سلسلے وچ رینجرز نوں 60 دناں لئی تعینات کرن دا فیصلا کیتا گیا اے تے ایس سلسلے وچ درخاست وزیر اعلا پنجاب نوں گھل دِتی گئی اے۔
سمری وچ دسیا گیا اے کہ پاکستان رینجرز آرڈیننس 1959 دے تحت رینجرز نوں پنجاب وچ 60 دناں لئی اختیارات دِتے جان گے۔ رینجرز نوں اختیارات ملن دے بعد اوہ انسداد دہشت گردی ڈیپارٹمنٹ نال رلکے سانجھے آپریشن کرے گی۔ سمری وچ پاکستان رینجرز نوں جے آئی ٹیز وچ نمائندگی دین دا وی آکھیا گیا اے۔
