لاہور: اسلام پورا پولیس دی کارروائی، 4 رکنی گروہ گرفتار

لاہور(پاکستان پوائنٹ نیوز09۔ستمبر2016ء) تھانا اسلام پورا دی پولیس نے کارروائی کردے ہوئے وکی گینگ دے چار ملزماں نوں گرفتار کر کے اوہناں د ے قبضے توں موٹر سائیکلاں، موبائل فون تے نقدی سنے ہور سامان برآمد کر لیا۔ تفصیل دے مطابق تھانا اسلام پورا پولیس نے وکی گینگ دے چار ملزم آصف، توقیر، اسد تے مزمل نوں گرفتار کر لیا۔ ایس ایچ او اسلام پورا ناصر حمید دے مطابق وکی گینگ دے ملزم موٹر سائیکلاں چوری کرن دے نال نال لوکاں توں موبائل فون تے نقدی وی کھوندے سن۔ گرفتار ہون والے ملزماں توں 6 موٹر سائیکلاں، 4 پستول، 16 موبائل فونز تے نقدی وی برآمد ہوئی اے۔ پولیس نے وکی گینگ دے ملزماں نوں گرفتار کر کے تفتیش شروع کر دِتی۔