(ن) لیگی رہنما نہال ہاشمی نوں رہا کر دتا گیا

راولپنڈی(پاکستان پوائنٹ نیوز28۔فروری2018ء) مسلم لیگ (ن) دے رہنما نہال ہاشمی نوں اڈیالا جیل توں رہا کر دتا گیا، نہال ہاشمی دی رہائی اُتے جیل دے باہر اوہناں دی گھر والی تے پارٹی کارکناں نے استقبال کیتا، نہال ہاشمی اُتے پُھلاں دیاں پتیاں سُٹیاں گئیاں۔ میڈیا رپورٹس مطابق مسلم لیگ (ن) دے رہنما نہال ہاشمی نوں اڈیالا جیل توں رہا کر دتا گیا اے۔ نہال ہاشمی نوں عدلیہ خلاف دھمکی آمیز بیان دین اُتے چیف جسٹس سپریم کورٹ نے توہین عدالت کیس وچ قید تے جرمانے دی سزا سنائی سی۔