لاہور(پاکستان پوائنٹ نیوز27۔فروری2018ء) پوری قوم بابے رحمتے نال اے۔ اڈیالا جیل وچ صفائیاں جاری نیں تے خاص کمرے تیار کیتے جا رہے نیں۔ تفصیل مطابق مشہور پرچا کار و کالم نگار مظہر برلاس نے اپنے اک کالم ’بابا رحمتے کے ساتھ‘ وچ لکھیا اے کہ پاکستان اُتے اللہ دا خاص کرم ہویا اے کہ ایتھے لٹیریاں دوالے گھیرا تنگ ہو رہیا اے، لگدا اے قوم دیاں دعاواں رنگ لیائیاں نیں، لمے چِر توں عام پاکستانی ایہ چاہندے نیں کہ اوہناں دے ملک نوں لُٹن والیاں دا حساب ہوئے۔
ایس لئی پوری قوم بابے رحمتے نال کھلوتی اے۔ اوہناں دا اپنے کالم وچ کہنا اے کہ سارا پاکستان اپنے بابے نال اے ۔ جُتی کلب دے نویں ممبر احسن اقبال نے اسلام آباد وچ ماڈل جیل دا نینہ پتھر رکھ دتا اے جدکہ خواجا آصف نال سیالکوٹ وچ کُجھ نوجواناں نے ’والہانہ‘ عقیدت دا اظہار کیتا۔ جیل توں یاد آیا اج کل اڈیالا جیل وچ صفائیاں جاری نیں، کُجھ خاص کمرے تیار ہو رہے نیں۔ ایہ خاص کمرے اوہناں سپیشل لوکاں لئی نیں جیہناں نے وڈے دل نال ملک تے قوم نوں لُٹیا۔
