لاہور(پاکستان پوائنٹ نیوز22۔فروری2018ء) پارٹی صدارت توں نااہلی مگروں نواز شریف نوں پارٹی قائد یاں رہبر دا درجہ دتے جان دیاں تیاریاں شروع کر دتیاں گئیاں۔ تفصیل مطابق پچھلے دیہاڑے مسلم لیگ (ن) دے صدر و سابق وزیر اعظم میاں نواز شریف نوں وزات اعظمی مگروں پارٹی صدار ت توں وی نااہل قرار دے دتا گیا۔ پارٹی دا نواں صدر تے نواز شریف دا سیاسی جانشین کون ہو سکدا اے؟ ایس حوالے نال تے سیاسی حلقیاں وچ بحث جاری اے پر دوجے پاسے ایس ساری صورتحال وچ نواز شریف دا مستقبل کیہ ہوئے گا ایہدے اُتے وی سوالیہ نشانہ لگ گیا اے پر مسلم لیگ (ن) نے نواز شریف دی پارٹی صدارت توں نااہلی دے بعد پارٹی قائد یاں رہبر دا درجہ دین دیاں تیاریاں شروع کر دتیاں۔
سیاسی ماہرین دا کہنا اے کہ پارٹی رہبر دے طور اُتے نواز شریف پارٹی دے فیصلیاں اُتے پوری طرحاں اثر انداز ہو سکدے نیں۔
