میرے نال ویاہ توں پہلاں ای عمران خان تے بشری بی بی وچکار مبینہ تعلقات قائم ہو گئے سن: ریحام خان

اسلام آباد(پاکستان پوائنٹ نیوز20۔فروری2018ء) پاکستان تحریک انصاف دے چیئرمین عمران خان دی سا بق بیوی نے کپتان اُتے اک وار فیر الزام لایا اے۔ اوہناں دا کہنا اے کہ میرے نال ویاہ توں پہلاں ای عمران خان تے بشری بی بی وچکار مبینہ تعلقات قائم ہو گئے سن۔ برطانوی اخبار ’دی ٹائمز‘ نوں انٹرویو دیندے ہوئے اوہناں نے عمران خان اُتے الزام لاؤندے ہوئے آکھیا کہ میرے نال ویاہ توں پہلاں ای عمران خان تے بشری بی بی وچکار مبینہ تعلقات قائم ہو گئے سن۔

اوہناں نے دعوا کیتا کہ میرے ویاہ توں تقریبن 3سال پہلاں ای عمران خان بشری بی بی نال رابطے وچ سن ۔اوہناں دا کہنا سی کہ دوواں دا ویاہ پہلی جنوری نوں ہو گیا سی پر اوہدا اعلان بعدوں کیتا گیا، بالکل بیتے ویلے وانگ جیویں عمران خان نے میرے نال ویاہ دے دو مہینیاں پچھوں دسیا سی۔ غیر ملکی میڈیا نوں دتے گئے انٹرویو دوران ریحام خان دا کہنا سی کہ عمران خان میرے سابق شوہر نیں پر اوہ اپنے افیئرز دی وجہ توں پاکستان دی بدنامی دی وجہ بن رہے نیں۔ اوہناں نے الزام لایا کہ میرے نال ویاہ توں پہلاں عمران افیئرز وچ ملوث رہے۔