اسلام آباد(پاکستان پوائنٹ نیوز20۔فروری2018ء) عمران خان نال ویاہ دیاں افواہواں دا نشانہ بنن والی عائشہ وارثی ساہمنے آ گئی اے۔ تفصیل مطابق کُجھ چِر پہلاں میڈیا اُتے افواہواں کھلریاں سن کہ تحریک انصاف دے سربراہ عمران خان نے عائشہ وارثی ناں دی سوانی نال ویاہ کر لیا اے۔ ایس موقعے تے عائشہ وارثی دی تصویر وی سوشل میڈیا اُتے آئی سی۔ ایہ اوہ ویلا سی جدوں عمران خان تے بشری بی بی دے ویاہ دے حوالے نال تفصیلاں ساہمنے نہیں آئیاں سن۔
ہن عمران خان نال ویاہ دیاں افواہواں دا نشانہ بنن والی عائشہ وارثی ساہمنے آ گئی اے۔ عائشہ وارثی دا کہنا اے کہ مینوں افواہواں دی وجہ توں ڈاڈھیاں اوکڑاں دا ساہمنا کرنا پیا۔ عائشہ وارثی دا ہور کہنا سی کہ اوہ پچھلے ورھے تحریک انصاف وچ شامل ہوئیاں سن جدکہ اوہناں نو ں عمران خان ولوں کدی وی ویاہ دی آفر نہیں کیتی گئی۔
