کراچی: مختلف علاقیاں وچ 3 بساں تے اک ٹرک نوں اگ لا دِتی گئی

کراچی(پاکستان پوائنٹ نیوز08۔ستمبر2016ء) کراچی دے علاقے لانڈھی ، نیپئر تے نارتھ ناظم آباد بفر زون وچ تن بساں تے اک ٹرک نوں اگ لا دِتی گئی پر کوئی جانی نقصان نہیں ہویا۔نیپئر وچ وی نامعلوم بندے کھلوتی بس نوں اگ لا کے فرار ہو گئے۔ پولیس دے مطابق بس دے مالک لیاقت توں بھتا منگیا گیا سی۔ بھتا نہ دین اُتے بس نوں اگ لا دِتی گئی۔ اودھر نارتھ ناظم آباد وچ بفر زون وچ وی اک بس نوں اگ لا دِتی گئی۔ پولیس دا کہنا اے کہ واقعے دیاں تحقیقات کیتیاں جا رہیاں نیں۔ اگ لگن دے سارے واقعیاں وچ کسے وی قسم دا جانی نقصان نہیں ہویا۔ پولیس دا کہنا اے کہ اگ لان والے ملزماں بارے تفتیش جاری اے جہناں نوں جلدی گرفتاری کر لِتا جائے گا۔