لاہور(پاکستان پوائنٹ نیوز17۔فروری2018ء) پیپلز پارٹی دے شریک چیئرمین آصف زرداری نے سابق ایس ایس پی راؤ انوار بارے بیان اُتے معذرت کر لئی اے۔ اوہناں نے آکھیا کہ میرے بیان نال جے کسے نوں تکلیف اپڑی اے تے معذرت کرنا واں۔ میڈیا رپورٹس مطابق سابق صدر آصف علی زرداری نے نقیب اللہ قتل کیس دے مفرور ملزم سابق ایس ایس پی راؤ انوار بارے بیان اُتے دُکھ دا وکھالا کردے ہوئے آکھیا کہ میرے بیان نال جے کسے نوں تکلیف اپڑی تے معذرت کرنا واں۔
چیتے رہوے کہ آصف زرداری نے اپنے اک انٹرویو وچ آکھیا کہ نقیب اللہ کیس دا فیر جائزہ لینا چاہیدا۔ نقیب اللہ کیس نوں میڈیا نے ہوا دتی سی۔ اوہناں نے آکھیا کہ راؤ انوار اوہ بہادر بال اے جو ایم کیو ایم نال لڑائی وچ بچ گیا اے۔ اوہناں دا کہنا سی کہ ایم کیو ایم خلاف کراچی آپریشن وچ 54ایس ایچ اوز وچوں 53مارے گئے۔ اوہناں نے آکھیا کہ جدوں ایم کیو ایم فیر اقتدار وچ واپس آئی تے راؤ انوار انڈر گراؤنڈ ہو گئے سن۔
