وٹس ایپ ورتن والیاں لئی ہائی الرٹ جاری: وٹس ایپ نوں ہیک کرن لئی تخریب کاریاں شروع

وٹس ایپ ورتن والیاں لئی ہائی الرٹ جاری: وٹس ایپ نوں ہیک کرن لئی تخریب کاریاں شروع

لاہور(پاکستان پوائنٹ نیوز17۔فروری2018ء) پنجاب وچ مشہور میسجنگ سروس وٹس ایپ نوں ہیک کرن لئی تخریب کاریاں شروع ہو گئیاں نیں، جہناں نوں مُکھ رکھدے ہوئے وٹس ایپ ورتن والیاں لئی ہائی الرٹ جاری کردتا گیا اے۔ ویب سائٹ لنکس توں وٹس ایپ تے وٹس ایپ گروپس نوں ہیک کیتا جا سکدا اے۔ ورتیندڑاں نوں قرعہ اندازی وچ حصہ لین لئی اک لنک وٹس ایپ کیتا جاندا اے۔

جہدے اُتے کلک کرن نال ورتیندڑاں دے اکاؤنٹس ہیک ہون دا ڈر اے۔ ہیکرز تہاڈی فون لسٹ وچ موجود نمبرز، میسجز تے وٹس ایپ اُتے موجود گروپاں دیاں تفصیلاں آسانی نال لے سکدے نیں۔ ہیکرز ورتیندڑاں کولوں قرعہ اندازی وچ شامل ہون تے کئی انعام جِتن دا لالچ دے کے ایہ لنک 7توں 14بیلیاں نوں اگانہ ٹورن دا آکھدے نیں۔ پنجاب حکومت ولوں جاری ہائی الرٹ مطابق وٹس ایپ ورتینڈر ایہناں لنکس اُتے کلک تے ایہناں نوں اگانہ نہ ٹورن۔