لاہور(پاکستان پوائنٹ نیوز16۔فروری2018ء) لودھراں الیکشن وچ (ن) لیگ نے کیویں پیسیاں دی بارش کیتی ، سبھ ساہمنے آگیا،شہباز شریف نے 22ارب 47کروڑ دے ترقیاتی فنڈز ضلع لودھراں نوں دتے۔تفصیل مطابق مشہور کالم نگار منصور آفاق نے اپنے کالم ’علی ترین نوں مبارک باد‘ وچ لودھراں وچ شہباز شریف ولوں کیتی گئی پیسیاں دی بارش دیاں تفصیلاں دس دتیاں۔ اوہناں علی ترین نوں مبارک باد دیندے ہوئے آکھیا کہ جے اوہ نہ ہوندے تے شاید ایہ سارا پیسہ وی صرف میٹرو بساں تے لگ جاندا۔
منصور آفاق نے اپنے کالم وچ لکھیا کہ بے شک علی ترین الیکشن ہار گیا پر اوہدی وجہ توں لودھراں جِت گیا۔ اوہناں دا کہنا سی کہ بہت گھٹ ویلے وچ شہباز شریف نے 22ارب 47کروڑ دے ترقیاتی فنڈز ضلع لودھراں نوں دتے۔ اوہناں دا کہنا سی کہ صرف لودھراں دے پڑھیاراں نوں 4کروڑ 46لکھ رُپئے وظیفے دی مد وچ دتے گئے۔ سپیشل ایجوکیشن سینٹر لئی 7کروڑ 52لکھ رُپئے دتے گئے۔
