اسلام آباد(پاکستان پوائنٹ نیوز14۔فروری2018ء) پٹرولیم وستاں اُتے بھاری ٹیکساں دیاں تفصیلاں قومی اسمبلی وچ پیش کر دتیاں گئیاں نیں۔تفصیل مطابق سپیکر قومی اسمبلی سردار ایاز صادق دی سربراہی وچ قومی اسمبلی دا اجلاس ہویا۔ اجلاس و چ وزارت پٹرولیم نے پٹرولیم وستاں اُتے بھاری ٹیکساں دیاں تفصیلاں قومی اسمبلی وچ پیش کیتیاں۔وزارت پٹرولیم دی رپورٹ وچ دسیا گیا اے کہ ڈیزل دی ایکس ریفائنری قیمت 55رُپئے 9پیسے اے جدکہ ایس ویلے ورتیندڑاں لئی ڈیزل دی قیمت 95رُپئے متھی گئی اے۔
ایس طرحاں فی لیٹر ڈیزل اُتے حکومت 40رُپئے 74پیسے لے رہی اے۔ یعنی ڈیزل دے ہر لیٹر اُتے لوکائی توں 74فیصد ٹیکس لیا جا رہیا اے۔ رپورٹ وچ دسیا گیا کہ پٹرول دی ایکس ریفائنری قیمت 50رُپئے 27پیسے فی لیٹر اے تے ورتیندڑاں لئی پٹرول دی چالو قیمت 84رُپئے 51پیسے اے۔ ایس طرحاں اک لیٹر پٹرول اُتے حکومتی ٹیکساں دی شرح 34رُپئے 24پیسے اے۔ یعنی پٹرول دی مد وچ وی حکومت اوہدی اصل قیمت اُتے 68فیصد ٹیکس لے رہی اے۔
