ایم کیو ایم دے بہادر آباد مرکز وچ بجلی چوری دا انکشاف

کراچی(پاکستان پوائنٹ نیوز13۔فروری2018ء) ایم کیو ایم دے بہادر آباد مرکز وچ بجلی چوری دا انکشاف ہویا اے۔ تفصیل مطابق ایم کیو ایم ایس ویلے تواریخ دے نازک ترین دور توں لنگھ رہی اے۔ کُجھ دن پہلے اک ٹکٹ اُتے شروع ہون والی لڑائی نے ایم کیو ایم نوں دو دھڑیاں وچ ونڈ دتا اے۔ اک دھڑا فاروق ستار دی قیادت اُتے متفق اے۔دوجا دھڑا بہادر آباد نوں اپنا مرکز منن لئی اڑی کر رہیا اے۔ اجے پارٹی دے مسئلے ختم نہیں ہوئے کہ ایم کیو ایم دا اک ہور سکینڈل ساہمنے آگیا۔ ایم کیو ایم دے بہادر آباد مرکز وچ بجلی چوری ہون انکشاف ہویا اے۔ بہادر آباد مرکز وچ چوری دی بجلی ورتی جا رہی اے ۔ بجلی چوری پھڑی جان مگروں پارٹی خلاف کارروائی ہون دی آس اے۔