لاہور(پاکستان پوائنٹ نیوز13۔فروری2018ء) لودھراں وچ جِت مگروں سینئر پرچا کار نے نواز شریف لئی خطرے دی گھنٹی وجا دتی۔ عارف نظامی دا کہنا اے کہ نواز شریف لودھراں دی جِت توں خش نہ ہون، اوہناں تے اوہناں دی دھی نوں سزا ملنا یقینی اے۔ تفصیل مطابق لودھراں دے ضمنی الیکشن وچ (ن) لیگ دی جِت مگروں سینئر پرچا کار نے نواز شریف لئی خطرے دی گھنٹی وجا دتی اے۔
نجی ٹی وی نال گل بات کردے ہوئے عارف نظامی دا کہنا سی کہ نواز شریف دے زمینی حقائق بڑے خوفناک نیں۔ اک پاسے تے ایہ گل ٹھیک اے کہ میاں صاحب نوں عوامی جلسیاں وچ پذیرائی مل رہی اے پر دوجے پاسے پردے پچھے کہانی اندر نیب دیاں پیشیاں نیں۔ اک ممکنہ راہ تے ایہ سی کہ میاں نواز شریف وچکار ڈیل ہو جاندی جو کہ ہن ممکن نہیں اے ایس لئی ہن اک ای راہ اے تے اوہ سزا اے۔ میاں نواز شریف دی سزا حتمی تے یقینی اے ، اوہناں نوں جرمانہ ہو سکدا اے، جائیداد ضبط ہو سکدی تے قید وی ۔عارف نظامی دا کہنا سی کہ صرف نواز شریف نوں ای نہیں اوہناں دی دھی نوں وی ایہو سزا ہو سکدی اے کیونکہ اوہ ایس تو ں ودھ خطرناک جرم کر چکیاں نیں۔
