سرگودھا(پاکستان پوائنٹ نیوز13۔فروری2018ء) چیئرمین تحریک انصاف عمران خان دا کہنا اے کہ جِنی وار میں الیکشن ہریا اونی وار پاکستان دی تاریخ وچ کوئی نہیں ہریا، جو ہار توں ڈر گیا اوہ نواز شریف بن جاندا اے، پی پی 30دے ضمنی الیکشن لئی 350نوجواناں نوں تیار کراں گا، نواز شریف اک ای گل آکھدا اے کہ ’مجھے کیوں نکالا؟‘اوہناں نے اج سرگودھا وچ ورکرز کنونشن نال خطاب کردے ہوئے آکھیا کہ میں سوچ رہیا سی کہ کیہ اسیں کسے ہور ملک وچ الیکشن ہارے آں؟ اک بال نے پہلی وار الیکشن لڑیا تے 90ہزار ووٹ لئے ۔
جو ہار کے اپنا آپ نہیں سنبھال سکدا اوہنوں جِتنا نہیں چاہیدا۔ اوہناں نے آکھیا کہ لودھراں الیکشن مگروں سوچ لیا کہ ہن اگانہ کیویں ودھنا اے۔ مینوں آؤندے پلان لئی 350نوجوان چاہیدے نیں۔ پی پی 30دے ضمنی الیکشن لئی 350نوجوان نوں تیاری کراواں گا۔ عمران خان نے آکھیاکہ کسے جمہوری ملک اندر انج نہیں ہوندا کہ ابا لیڈر ہوئے تے پُتر یاں دھی وی لیڈر بن جائے۔ جتھے میرٹ نہ ہوئے اوتھے نواز شریف دی تھاں مریم یاں حمزہ آ جاندے نیں تے بلاول بھٹو وی پارٹی دے سربراہ بن جاندا اے۔ اوہناں نے آکھیا کہ جھوٹھا انسان کدی لیڈر نہیں بن سکدا۔ عمران خان دا کہنا سی کہ عزت تے ذلت اللہ دے ہتھ وس اے۔
