حافظ آباد(پاکستان پوائنٹ نیوز13۔فروری2018ء) حافظ آباد وچ غریب سوانیاں نوں فنڈز دا جھانسہ دے کے اُوہناں دی ریڑھ دی ہڈی توں بون میرو کڈھن والے گروہ بارے متاثرہ لوکاں دا وڈا انکشاف۔ گروہ دا سرغنہ دو سو توں ودھ سوانیاں دے بلڈ سیمپل کڈھ چکیا اے۔ کئی متاثرہ سوانیاں دا کم کاج تے چلنا پھرنا مشکل ہو گیا۔ پولیس نے 16متاثرہ سوانیاں دے میڈیکل کروان مگروں نمونے پنجاب فرانزک سائنس لیبارٹی گھل دتے۔
گرفتار ملزماں دا مقامی عدالت توں دو دن دا ریمانڈ حاصل کر لیا گیا۔ تفصیل مطابق حافظ آباد وچ عام سوانیاں نوں وزیر اعظم جہیز فنڈز تے مالی امداد دا چکر دے کے بون میرو کڈھن والے مکروہ دھندہ کرن والے مرکزی ملزم تے اوہدے ہور ساتھیاں بارے متاثرہ سوانیاں نے دل نوں ہلا دین والا انکشاف کیتا اے۔ ملزم ندیم دو مہینیاں توں ایہ دھندہ کر رہیا سی۔گروہ سوانیاں دی ریڑھ دی ہڈی توں بون میرو کڈھداسی ۔ گروہ دا سرغنہ دو سو توں ودھ سوانیاں دے بلڈ سیمپل کڈھ چکیا اے۔ کئی متاثرہ سوانیاں دا کم کاج تے چلنا پھرنا مشکل ہو گیا۔دوجے پاسے پولیس نے 16متاثرہ سوانیاں دے میڈیکل کروان مگروں نمونے پنجاب فرانزک سائنس لیبارٹی گھل دتے نیں۔
