پشاور(پاکستان پوائنٹ نیوز13۔فروری2018ء) کیہ ڈاکٹر عاصمہ رانی قبائلی رسم ’غگ‘ دا نشانہ بنی؟نویں بحث چھڑ گئی۔میڈیا رپورٹس مطابق قبائلی علاقے وچ اک رسم ’غگ‘ اج وی موجود اے۔ اِنج لگدا اے کہ کوہاٹ دی ڈاکٹر عاصمہ رانی وی ایس رسم دا نشانہ بنی۔ ایس سلسلے وچ سوشل میڈیا اُتے اک نویں بحث شروع ہو گئی اے۔ قبائلی علاقے وچ رسم ’غگ‘ دے تحت کوئی وی مرد کسے وی کُڑی دے گھر ساہمنے رسمن چار فائر کرن مگروں ویاہ دا دعویدار ہو جاندا اے۔
جے کُڑی اوس مرد نال ویاہ کرنا چاہوے تے فیر وی دشمنی دے خوف دی وجہ توں کُڑی نال کوئی ہور مرد ویاہ نہیں کردا پر جے ’غگ‘ دے دعویدار آپ مُکر جائے فیر وی اوس کُڑی نال ویاہ نہیں کردا تے اِنج پختون معاشرے وچ کڑی بغیر ویاہ دے بیٹھی رہندی اے۔ نجی ٹی وی چینل مطابق آر پی او کوہاٹ نے ایس رسم ’غگ‘ دی موجودگی بارے اک مبہم بیان دیندے ہوئے آکھیاکہ ڈاکٹر عاصمہ رانی دا قتل ’غگ‘ ورگا اے پر ’غگ‘ نہیں اے۔ ایس انوکھی رسم نے سوشل میڈیا اُتے اک نویں بحث چھیڑ دتی اے۔
