میانوالی: مسلم لیگ (ن) دے جلسے وچ ’آئی آئی پی ٹی آئی‘ دے نعرے لگ گئے

میانوالی: مسلم لیگ (ن) دے جلسے وچ ’آئی آئی پی ٹی آئی‘ دے نعرے لگ گئے

میانوالی(پاکستان پوائنٹ نیوز10۔فروری2018ء) میانوالی وچ مسلم لیگ (ن) دے جلسے وچ ’آئی آئی پی ٹی آئی‘ دے نعرے لگ گئے ۔ تفصیل مطابق اج میانوالی وچ مسلم لیگ (ن) دا جلسہ سی ، جلسے نال وزیر اعظم پاکستان شاہد خاقان عباسی نے خطاب کیتا۔ میڈیا رپورٹس مطابق جلسے وچ ست ہزار دے لگ بھگ کرسیاں لائیاں گئیاں سن جو کہ ادھیاں توں ودھ خالی وکھالی دتیاں۔ وزیراعظم شاہد خاقان عباسی خالی کرسیاں نال خطاب کردے رہے۔

ایس جلسے وچ سبھ توں دلچسپ صورتحال اودوں پیدا ہوئی جدوں سٹیج سیکرٹری نے حنیف عباسی دا ناں لیا تے آکھیا کہ حنیف عباسی اوہ بندے نے جہناں نے میانوالی دے خان دا راولپنڈی وچ مقابلا کر کے نواز شریف دا ناں اُچا کیتا ۔ بس ایہ کہنا ای سی کہ جلسے وچ آئے لوکاں دی وڈی گنتی نے اوتھوں جانا شروع کر دتا تے مین گیٹ اُتے اپڑن مگروں کُجھ لوکاں نے’آئی آئی پی ٹی آئی‘ دے نعرے وی لائے۔ چیتے رہوے کہ وزیراعظم شاہد خاقان عباسی نے میانوالی دی تحصیل عیسی خیل تے اوہدے نال جُڑی آبادی نوں گیس دی فراہمی دے منصوبے دا افتتاح کیتا۔ وزیر اعظم شاہد خاقان عباسی نے دو ارب 30کروڑ رُپئے لاگت دے ایس منصوبے دا افتتاح کیتا۔