ٹریپولی(پاکستان پوائنٹ نیوز08۔فروری2018ء) لیبیا دے سمندر وچ ڈُبن والی کشتی وچوں بچ جان والے 28پاکستانی اغوا ہو گئے ، اغوا کاراں نے مغوی پاکستانیاں نوں لیبیائی قصبے زاویہ وچ رکھیا ہویا اے۔ تفصیل مطابق کُجھ دن پہلے لیبیا دے سمندری علاقے وچ اک جہاز ڈب گیا سی۔ جہاز وچ موجود سارے مسافراں دے ڈُب جان دی اطلاع آئی ، پر ہن کُجھ پاکستانیاں دے زندہ بچ جان دی اطلاع اے۔
ایف آئی اے دا کہنا اے کہ لیبیا دے سمندری علاقے وچ ڈُبن والی کشتی وچوں بچ جان والے 28پاکستانی اغوا ہو گئے نیں۔ اغوا کاراں نے مغوی پاکستانیاں نوں لیبیائی قصبے زاویہ دے ریسٹ ہاؤس وچ رکھیا ہویا اے۔ مغویاں نوں موبائل فون دتے گئے نیں جہناں راہیں اوہ اپنے گھر والیاں نال رابطے وچ نیں۔ ایف آئی اے حکام دا کہنا سی کہ مغوی پاکستانیاں دی رہائی لئی چھیتی اقدامات کیتے جان گے۔
